Xəbərlər
Bakıda Azərbaycan-Fransa işgüzar görüşü keçirilir
İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə noyabrın 26-da Bakıda Azərbaycan-Fransa işgüzar görüşü keçirilir.
İqtisadiyyat və sənaye nazirinin müavini Sevinc Həsənova Azərbaycan ilə Fransa arasındakı mövcud münasibətlərdən danışıb. Bildirilib ki, bu münasibətləri daha da genişləndirmək üçün mühüm amillər var. Hər iki ölkə arasında iqtisadi, siyasi, mədəni əlaqələr mövcuddur. Azərbaycan Fransa ilə əlaqələrin daha da inkişaf etdirilməsində maraqlıdır.
“Fransa şirkətləri ölkəmizdə geniş təmsil olunur və tədbirlərimizdə aktiv iştirak edir. Azərbaycanın 12 şəhəri ilə Fransanın 10 şəhəri və bir vilayəti qardaşlaşıb”, - deyə nazir müavini diqqətə çatdırıb.