Xəbərlər
Bakıda Azərbaycan yazıçılarının XII qurultayı işə başlamışdır
İyunun 17-də Azərbaycan Dövlət Akademik Milli Dram Teatrının binasında Azərbaycan yazıçılarının XII qurultayı işə başlamışdır.
Dövlət və hökumət qurumlarının nümayəndələrinin, Milli Məclisin deputatlarının iştirak etdikləri qurultaya 25 ölkədən 60-dək qonaq, Azərbaycan Yazıçılar Birliyinin (AYB) üzvləri arasından isə 400-dək nümayəndə qatılmışdır.
Qurultayı AYB-nin sədri, Xalq Yazıçısı Anar açmışdır.
Ötən dövr ərzində dünyasını dəyişmiş quruma üzv şair və yazıçıların xatirəsi bir dəqiqəlik sükutla yad edilmişdir.
Sonra Azərbaycanın dövlət himni səsləndirilmişdir.