Xəbərlər
BMT-nin baş katibi Londonda jurnalistlərlə görüşüb
Britaniyanın məşhur beyin mərkəzi “Chatham House” - Kral Beynəlxalq Münasibətlər İnstitutunun təşkilatçılığı ilə BMT-nin baş katibi Pan Gi Mun jurnalistlərlə görüş keçirib.
Görüş “Suriyaya və regiona dəstək” konfransından sonra Londonun məşhur “Central Hall Westminister” tədbirlər mərkəzində baş tutub. 70 il öncə BMT-nin ilk baş katibi məhz bu zalda seçilib.
Baş katib hazırda cərəyan edən beynəlxalq siyasət, qlobal iqtisadiyyat, millətlərarası əlaqələr və s. mövzularla bağlı qısa məlumat verib, xatirələrini jurnalistlərlə bölüşüb. Qlobal sistemə investisiya qoymağın vaxtı olduğu diqqətə çatdırılıb.