YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Bakıda III Beynəlxalq Türk Dünyası Araşdırmaları Simpoziumu keçirilir

Mayın 25-də Bakıda III Beynəlxalq Türk Dünyası Araşdırmaları Simpoziumu öz işinə başlayıb.

Tədbir Niğde Universiteti, Qazaxıstan Dövlət Qızlar Universiteti, M.Akmulla adına Başqırdıstan Dövlət Pedaqoji Universiteti, Bakı Avrasiya Universiteti (BAU), Mahmud Kaşğari adına Bişkek Universiteti və Yunus Əmrə İnstitutunun birgə təşkilatçılığı ilə keçirilir.

BAU-nun rektoru, professor Nazim Hüseynli bildirib ki, mövzu ilə maraqlanan mütəxəssis və araşdırıcıların bir araya gəlməsində rol oynayacaq bu simpozium yeni tədqiqatlara təkan verməklə yanaşı, fərqli nöqteyi-nəzərdən araşdırma aparılmasında da əhəmiyyət daşıyacaq.

Mayın 27-dək davam edəcək simpoziumda türk dünyasını maraqlandıran dil, ədəbiyyat, din, təhsil, tarix, sosiologiya, incəsənət, ətraf mühit, arxeologiya, sənət tarixi, beynəlxalq münasibətlər, sahibkarlıq, idarəetmə və iqtisadiyyat, gender problemləri kimi mövzular və elmi araşdırmaların gələcək perspektivləri üzrə müzakirələr aparılacaq. Bu sahədə birgə əməkdaşlıq perspektivləri, ortaq layihələrin həyata keçirilməsi ilə bağlı məsələlərə baxılacaq.