YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Eldar İbrahimov: Azərbaycanın xoşbəxtliyi ondadır ki, Ulu öndər Heydər Əliyevin əsasını qoyduğu siyasət Prezident İlham Əliyev tərəfindən böyük uğurla davam etdirilir

«Ümummilli lider Heydər Əliyevin Azərbaycanda siyasi hakimiyyətə qayıtmasının nəticələri o qədər böyükdür ki, bu barədə cilid-cilid kitablar yazmaq mümkündür. İlk növbədə, Heydər Əliyev ölkədə sabitlik yaratmağa başladı. O ölkədə ki, sabitlik yoxdur, orada inkişafdan danışmaq olmaz. Ulu öndər özünəxas müdrikliklə cənubda və  şimalda separatçı qüvvələri zərərsizləşdirdi. 1994-cü il mayın 12-də atəşkəs imzalandı və respublikanın potensialı inkişafa istiqamətləndirildi». Bu fikirləri yap.org.az saytına Milli Məclisin Aqrar siyasət komitəsinin sədri, YAP İdarə Heyətinin üzvü Eldar İbrahimov deyib.

E.İbrahimov bildirib ki, 1994-cü il sentyabrın 20-də 11 transmilli şirkətin iştirakı ilə “Əsrin müqaviləsi” imzalandı. Həmin şirkətlər öz investisiyalarını məhz Heydər Əliyev şəxsiyyətinə, nüfuzuna görə Azərbaycaba yönəldirdilər. “Əsrin müqaviləsi” Azərbaycana böyük dvidentlər gətirdi. Bakı-Tbilisi-Supsa, Bakı-Tbilisi-Ərzurum, Bakı-Tbilisi-Ceyhan kimi nəhəng neft-qaz dəhlizləri yaradıldı, ölkə inkişafa istiqamətləmndi və Azərbaycanın beynəlxalq nüfuzu yüksəldi.

«Azərbaycanın xoşbəxtliyi ondadır ki, Ulu öndər Heydər Əliyevin əsasını qoyduğu siyasət Onun siyasi varisi, Prezident  İlham Əliyev tərəfindən böyük uğurla davam etdirilir. Ölkəmiz beynəlxalq miqyaslı tədbirlərin həyata keçirildiyi məkana çevrilib. Azərbaycana belə yüksək etimad göstərilməsinin ciddi əsasları var. Respublikamızda möhkəm sabitliik yaradılıb, yüksək infrastruktur qurulub. “Eurovision” mahnı yarışmasının, Birinci Avropa Oyunlarının yüksək səviyyədə keçirilməsi Azərbaycanın gücünü təsdiqlədi. Hazırda ölkəmiz “Formula-1” yarışmasına ev sahibliyi etməyə hazırlaşır. Bunlar Prezident İlham Əliyevin uzaqgörənliklə həyata keçirdiyi siyasətin, quruculuq işlərinin bəhrəsidir. Hazırda Azərbaycanın ətrafındakı bir sıra ölkələrdə müharibələr, qarşıdurmalar baş alıb gedir. Azərbaycan isə bundan müəyyən dərəcədə zərər çəksə də, inkişafa istiqamətlənib. Prezidentin dediyi kimi 2016-ci il artıq sabitləşmə ili olacaq. Prezident İlham Əliyev neftsiz iqtisadiyyat qurmağı bizim qarşımıza vəzifə kimi qoyub. Ölkəmizdə aqrar sahədə, sənayedə qeyri-neft sektorunu inkişaf etdirmək üçün böyük potensial var. Bütün bunlar respublikamızın inkişaf yolunda olduğunu təsdiqləyir. Biz bu inkişaf yolunda Prezident İlham Əliyevinin rəhbərliyi altında Onun müəyyənləşdirdiyi istiqamətlə gedərək daha böyük uğurlara nail olacağıq»- deyə, E.İbrahimov vurğulayıb.