Xəbərlər
XİN: Atatürk hava limanında törədilmiş qanlı terror aktlarını kəskin şəkildə lənətləyirik
Azərbaycan Xarici İşlər Nazirliyi İstanbulun Atatürk hava limanında törədilmiş terror aktları ilə bağlı açıqlama yayıb.
Açıqlamada deyilir: “İyunun 28-də İstanbulun Atatürk hava limanında törədilmiş qanlı və xain terror aktlarını kəskin şəkildə lənətləyirik. Bu terror aktları nəticəsində həyatını itirənlərin ailələrinə və yaxınlarına, qardaş Türkiyə xalqına dərin hüznlə başsağlığı verir və yaralananların tezliklə şəfa tapmasını diləyirik.
Terrorizmdən əziyyət çəkən dövlət kimi Azərbaycan Respublikası terrorizmin bütün forma və təzahürlərini qəti şəkildə pisləyir və terrorizmə qarşı mübarizədə qardaş Türkiyə ilə həmrəyliyini bir daha ifadə edir”.