Xəbərlər
Ceyms Uorlik: Həmsədrlər Dağlıq Qarabağ münaqişəsində sülh üçün birgə işləməkdə ortaq fikirdədirlər
ATƏT-in Minsk qrupunun həmsədr ölkələri - ABŞ, Rusiya və Fransa Dağlıq Qarabağ münaqişəsində sülhü dəstəkləmək məqsədilə birgə işləmək üçün ortaq fikirdədirlər. Bu barədə ATƏT-in Minsk qrupunun amerikalı həmsədri Ceyms Uorlik öz "Twitter" səhifəsində yazıb.
C.Uorlik qeyd edib ki, münaqişənin həlli mümkündür.
Amerikalı həmsədr bildirib ki, hazırda Varşavadadır.
Bundan öncə həmsədr bildirmişdi ki, Dağlıq Qarabağ münaqişəsində sülh istiqamətində növbəti addımları müzakirə etmək məqsədilə ATƏT-in həmsədrləri ilə görüşmək üçün Vaşinqtonu tərk edir.