Xəbərlər
YAP İcra katibinin müavini Siyavuş Novruzov Çin Xalq Respublikasının Azərbaycandakı səfiri Vey Cinhuan ilə görüşüb
YAP İcra katibinin müavini, Milli Məclisin ictimai birliklər və dini qurumlar komitəsinin sədri, Azərbaycan-Çin parlamentlərarası dostluq qrupunun rəhbəri Siyavuş Novruzov Çin Xalq Respublikasının Azərbaycana yeni təyin olunmuş səfiri cənab Vey Cinhuan ilə partiyanın mənzil qərargahında görüşüb.
Görüşdə qarşılıqlı maraq doğuran məsələlərlə bağlı ətraflı fikir mübadiləsi aparılıb. YAP İcra katibinin müavini Siyavuş Novruzov Azərbaycan ilə Çin Xalq Respublikası arasındakı əməkdaşlığın mövcud durumundan bəhs edərək münasibətlərin inkişafı üçün geniş perspektivlərin olduğunu bildirib.
Qeyd olunub ki, üst-üstə düşən maraqlar ölkələrimiz arasında münasibətlərin bundan sonra da inkişafına əhəmiyyətli töhfə verəcəkdir.
Yeni Azərbaycan Partiyasının Beynəlaxalq əlaqələr şöbəsinin müdiri, Milli Məclisin deputatı Sevinc Fətəliyeva görüşdə iştirak edib.
