Xəbərlər
“Çandahar-Zarat” yatağında qazılan yeni quyudan sutkada 3-4 ton neft hasil olunacağı gözlənilir
Azərbaycan Respublikası Dövlət Neft Şirkətinin (ARDNŞ) Kompleks qazma işləri tresti tərəfindən “Çandahar-Zarat” yatağında 1830 nömrəli quyunun qazma işlərinə başlanılıb.
ARDNŞ-in mətbuat xidmətindən bildiriblər ki, “Siyəzənneft” neft və qazçıxarma idarəsinin sifarişi ilə Maykop lay dəstəsinə qazılan quyunun layihə dərinliyi 1250 metrdir. Geoloqların hesablamalarına əsasən, quyudan sutkada 3-4 ton neft hasil olunacağı gözlənilir.