YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Vitold Vaşçikovski: Azərbaycan Avropanın təhlükəsizliyi üçün Cənubi Qafqazda xüsusi rol oynayan ölkədir

Azərbaycan ilə Polşa arasında diplomatik əlaqələrin qurulmasının 25 illiyi münasibətilə iki ölkənin xarici işlər nazirləri arasında təbrik məktubu mübadiləsi həyata keçirilib.

XİN-in mətbuat xidmətindən bildiriblər ki, Azərbaycanın xarici işlər naziri Elmar Məmmədyarov polşalı həmkarına ünvanlandığı məktubda iki ölkə arasında bugünkü münasibətlərin kökü orta əsrlərə aid olan və 1918-1920-ci illərdə yaradılmış diplomatik əlaqələr üzərində qurulduğunu qeyd edib. Azərbaycan və Polşa arasında yüksələn xətlə inkişaf edən ikitərəfli münasibətlərin iki ölkənin beynəlxalq təşkilatlar çərçivəsində faydalı əməkdaşlığına zəmin yaratdığını bildirib.

Nazir Elmar Məmmədyarov Azərbaycan və Polşa arasında ikitərəfli siyasi münasibətlərin uğurla inkişaf etdiyini qeyd edib, Varşavada NATO sammiti çərçivəsində prezidentlər səviyyəsində keçirilmiş ikitərəfli görüşdə iki ölkə arasında siyasi dialoqun, iqtisadi və humanitar əlaqələrin daha da gücləndirilməsi üzrə razılıq əldə olunduğunu vurğulayıb.

Polşa Respublikasının xarici işlər naziri Vitold Vaşçikovski Elmar Məmmədyarova göndərdiyi məktubda Avropanın təhlükəsizliyi üçün Cənubi Qafqaz regionunda xüsusi rol oynayan ölkə kimi Azərbaycan və Polşa arasında müxtəlif sahələrdə dostluq və tərəfdaşlıq münasibətlərinin mövcud olduğunu qeyd edib. O, Azərbaycan və Avropa İttifaqı arasında əməkdaşlığa dair yeni saziş üzrə aparılan danışıqların Azərbaycan və Polşa arasında qarşılıqlı faydalı əməkdaşlığı genişləndirəcəyinə ümidvar olduğunu bildirib.