Xəbərlər
Azər Badamov: Qeyri-neft sektorunda uğurlu nəticələr əldə olunur
«Ölkə iqtisadiyyatında qeyri-neft sektorunun inkişaf etdirilməsi dövlət siyasətidir və bu istiqamətdə uğurlu nəticələr əldə olunur». Bu fikri Milli Məclisin deputatı Azər Badamov deyib.
A.Badamov bildirib ki, qazanılan uğurların əsasında regionların sosial-iqtisadi inkişafı dayanır. Onun sözlərinə görə, ötən dövr ərzində regionlarda icra olunan bir çox sosial layihələr bu gün regionlarda kənd təsərrüfatının və sənayenin inkişafına əlverişli şərait yaradıb.
«Bölgələrdə əlavə torpaq sahələrin dövrüyyəyə buraxılması, peşə məktəblərin genişləndirilməsi və kadrların hazırlanması, yüngül sənayenin inkişaf etdirilməsi və pambığın son məhsulunu ixrac etməyi, yeni bazarlara çıxışının təmin olunması və başqa islahatların aparılması nəzərdə tutulub. Şübhəsiz ki, bütün bu işlərin icrası Azərbaycanın inkişafını sürətləndirəcək, vətəndaşlarımız daha yaxşı yaşayacaq, iqtisadiyyatımız dayanıqlı olacaq»- deyə, A.Badamov qeyd edib.