Xəbərlər
İyunun 13-də Aİ və Azərbaycan yeni saziş üzrə danışıqların növbəti mərhələsinə başlayacaq
Avropa İttifaqı ilə Azərbaycan arasında strateji tərəfdaşlıq haqqında yeni saziş üzrə danışıqların növbəti mərhələsi iyunun 13-14-də Bakıda keçiriləcək.
Bunu Avropa İttifaqı-Azərbaycan biznes-forumu çərçivəsində jurnalistlərə Aİ-nin Azərbaycandakı nümayəndəliyinin rəhbəri Malena Mard deyib.
M.Mard qeyd edib: "Biz bu məsələ ilə bağlı daim danışıqlar aparırıq. Artıq gələn həftə iki nümayəndə heyəti danışıqlar üçün səfər edəcək".