Xəbərlər
MM-in deputatı: Cəmiyyətimiz belə bir qanunu dəstəkləyir
“Milli Məclis deputatının etik davranış qaydaları haqqında” qanun vacib sənəddir. Bu fikri Milli Məclisin deputatı Ağacan Abiyev deyib.
A.Abiyev bildirib ki, digər ölkələrin təcrübəsində də belə bir qanun var. Onun sözlərinə görə, bu qanun beynəlxalq təcrübəyə də uyğundur.
«Bu qanun dünyanın əksər ölkələrində qəbul olunub. Çox da uğurla işləyir. Mən qanunun əhəmiyyətini yüksək qiymətləndirirəm. Belə bir sənədin qəbul olunması ölkə Konstitusiyasının tələbidir. Düşünürəm ki, bu qanunun aktuallığı cəmiyyətdə özünü təsdiq edəcək. Sənəd ictimaiyyətdə, həm də parlamentdə geniş müzakirə olunuraq qəbul edilib. Bu isə o deməkdir ki, cəmiyyətimiz belə bir qanunu dəstəkləyir»- deyə, A.Abiyev vurğulayıb.