Xəbərlər
Türkiyə Hərbi Hava Qüvvələrinin qırıcıları Azərbaycan səmasında təlim keçirlər
Türkiyə Hərbi Hava Qüvvələrinin “F-16” təyyarələri “TurAz Qartalı - 2017” birgə təlimlərində iştirak etmək üçün Azərbaycana gəlib.
Müdafiə Nazirliyinin mətbuat xidmətindən bildiriblər ki, sentyabrın 18-dən 30-dək ölkəmizdə keçiriləcək təlimlərdə Azərbaycan və Türkiyə Hərbi Hava Qüvvələrinə məxsus “MiQ-29”, “F-16”, “Su-25”, “C-130 Herkules”, “CASA CN-235” təyyarələri və “Mi-35”, “Mi-17”, “Sikorski S-70” helikopterlərindən ibarət 30-dək aviasiya vasitəsi iştirak edəcək.