Xəbərlər
Siyavuş Novruzov: Soyqırımı ilə bağlı əsərlər daha çox beynəlxalq aditoriyaya təqdim olunmalıdır
«Azərbaycanlılara qarşı törədilən soyqırımlar haqqında indiyə qədər yüzlərlə elmi əsərlər, kitablar nəşr olunub. Hesab edirəm ki, bu tarixi əsərlər, soyqırımı ilə bağlı sənədlər daha çox beynəlxalq aditoriyaya təqdim olunmalıdır». Bu fikirləri YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov parlamentin bu gün keçirilən xüsusi iclasında bildirib.
«Bu sənədlər xarici dillərə tərcümə olunaraq beynəlxalq ictimaiyyətə çatdırılmalıdır. Həmin sənədlər tərcümə olunub internetdə yerləşdirmək lazımdır ki, hər kəs oxusun.Təklif edərdim ki, Milli Məclisin bəyanatı da müxtəlif dillərə tərcümə olunsun və xarici ölkələrin parlamentlərinə göndərilsin. Həmçinin, bu məlumatlar müxtəlif yerli və xaricdə fəaliyyət göstərən saytlarda yerləşdirilsin»-deyə, S.Novruzov vurğulayıb.