YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

İltimas Məmmədov: Azərbaycanda nüvə araşdırmalarına dair mərkəzin yaradılması üçün hüquqi baza hazırlanır

Yaxın günlərdə Azərbaycan Respublikasının Rabitə və Yüksək Texnologiyalar Nazirliyi tabeliyində "Milli Nüvə Tədqiqatları Mərkəzi" Qapalı Səhmdar Cəmiyyətinin fəaliyyəti məsələsi üzrə nizamnamənin və hüquqi sənədlərin təsdiqlənməsi gözlənilir. Bunu jurnalistlərə rabitə və yüksək texnologiyalar nazirinin müavini İltimas Məmmədov bildirib.

Onun sözlərinə görə, hazırda sənədlərin hazırlanması, Mərkəzin yerləşəcəyi yerin müəyyən edilməsi ilə bağlı iş gedir, proqramlar hazırlanır. Bütün bu nüanslar ilin sonunadək müəyyən olunacaq: "Sadalanan bütün aspektlər həll olunduqdan sonra hansı ölkələrlə əməkdaşlıq ediləcəyi, hansı texnologiyaların tətbiq olunacağı və s. müəyyən ediləcək”.