YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Milli Məclisin təhlükəsizlik və müdafiə komitəsinin iclasında iki qanun layihəsi müzakirə olunub

Noyabrın 27-də Milli Məclisin təhlükəsizlik və müdafiə komitəsinin iclasında “Xəzər dənizində fövqəladə halların qarşısının alınması və aradan qaldırılması sahəsində əməkdaşlıq haqqında Sazişin təsdiq edilməsi barədə” qanun layihəsi müzakirə olunub.

Komitənin sədri Ziyafət Əsgərov bu cür sazişlərin artıq bir neçə ölkə ilə bağlandığını deyib. Bildirilib ki, Azərbaycanın Fövqəladə Hallar Nazirliyi bir çox qonşu ölkələrə fövqəladə hallar zamanı yaxından yardım edib.
Qeyd edilib ki, 22 maddədən ibarət qanun layihəsində anlayışlar, prinsiplər, yardımın göstərilməsi qaydası, əməkdaşlığın formaları, dövlətlərin ərazisinə keçmə qaydası, yarana biləcək mübahisələrin həlli və digər məsələlər öz əksini tapıb. Saziş Azərbaycan, İran, Qazaxıstan, Rusiya və Türkmənistan tərəfindən imzalanıb.
İclasda “Azərbaycan Respublikası Hökuməti və Tacikistan Hökuməti arasında mülki müdafiə, fövqəladə halların qarşısının alınması və nəticələrinin aradan qaldırılması sahəsində əməkdaşlıq haqqında Sazişin təsdiq edilməsi barədə” qanun layihəsi də müzakirə olunub. Müddətsiz bağlanan sazişlərin Azərbaycan tərəfinin xoş məramını bir daha ortaya qoyduğu diqqətə çatdırılıb.
Sonda qanun layihələri Milli Məclisin plenar iclasına tövsiyə olunub.

 

DİGƏR Xəbərlər Arxiv