YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

YAP-ın deputatlığa namizədi Aytən Hüseynova Səbail rayonu Bibiheybət qəsəbəsinin sakinləri ilə görüşüb

Yeni Azərbaycan Partiyası tərəfindən deputatlığa namizədliyi 29 saylı Səbail seçki dairəsindən irəli sürülən Hüseynova Aytən Arif qızı bu gün təbliğat-təşviqat kampaniyası çərçivəsində Bibiheybət qəsəbəsi sakinləri ilə görüşdü.

Deputatlığa namizəd və təbliğat qrupunun üzvləri məhəllələrdə qəsəbə sakinləri ilə görüşdülər. Səmimi söhbət şəraitində keçən görüşlər zamanı YAP-ın deputatlığa namizədi Aytən Hüseynova 9 fevralda keçiriləcək Milli Məclisə seçkilərdə namizədliyinin Yeni Azərbaycan Partiyası tərəfindən irəli sürülməsi, ictimai-siyasi fəaliyyəti, eləcə də Milli Məclisə üzv seçilərsə görəcəyi işlər, qəsəbə üçün reallaşdırmağı düşündüyü inkişaf proqramı haqqında seçicilərə geniş məlumat verdi, sakinlərin qayğıları, problemləri ilə maraqlandı.

Seçicilər YAP-ın sədri, ölkə başçısı cənab İlham Əliyevin apardığı sürətli, dinamik islahatlardan, ölkənin hər yerində olduğu kimi Səbailin də abadlaşmasından, insanların rifah halının yaxşılaşmasından razılıqlarını bildirdilər.

YAP-ın deputatlığa namizədi seçiciləri 9 fevral tarixində fəal olmağa, seçki məntqələrinə gələrək siyasi iradələrini nümayiş etdirməyə və daha güclü Azərbaycan naminə YAP-ın rifah siyasəti kursuna səs verməyə dəvət etdi.

DİGƏR Xəbərlər Arxiv