YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Türkiyə-Azərbaycan Dostluq, Əməkdaşlıq və Həmrəylik Fondu Şuşada təşkil olunan “andiçmə” şousuna qarşı etiraz bəyanatı yayıb

Azərbaycanın Dağlıq Qarabağ bölgəsində, Azərbaycan mədəniyyətinin incisi sayılan Şuşa şəhərində torpaqlarımızın iyirmi faizini işğal edən Ermənistanın təşkil etdiyi qondarma “andiçmə” şousu indiyə qədər bölgədə məlum münaqişəsinin həlli üçün cəhdlər edən beynəlxalq təşkilatların fəaliyyətinə qarşı çıxmaqdır.

Bu fikir Türkiyə-Azərbaycan Dostluq, Əməkdaşlıq və Həmrəylik Fondunun bəyanatında əksini tapıb. Fondun sədri professor Aygün Əttarın imzası ilə yayılan mətində diqqətə çatdırılır ki, BMT, ATƏT, Avropa İttifaqı, İslam Əməkdaşlıq Təşkilatı, TÜRKPA kimi mötəbər beynəlxalq təşkilatlar, Azərbaycanın ərazi bütövlüyünü tanışım, o cümlədən Dağlıq Qarabağın Azərbaycanın ayrılmaz tərkib hissəsi olduğunu qərar və qətnamələr əsasında təsdiq etmişlər.

Diqqətə çatdırılır ki, təcavüzkar Ermənistan Azərbaycanın Dağlıq Qarabağ bölgəsində saxta “seçkilər” keçirməklə bölgədə gərginlik yaratmağı hədəfləyib. Azərbaycanın işğal altındakı ərazilərində qanunsuz mövcudluğuna və fəaliyyətinə görə, təcavüzkar Ermənistan beynəlxalq ictimaiyyət tərəfindən qınanılmalı və buna son qoyulmalıdır.