YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

İtaliyanın “Agenzia Nova” xəbər saytı Azərbaycan və Türkiyə prezidentlərinin görüşündən yazır

İtaliyanın “Agenzia Nova” xəbər saytında Ankarada Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında keçirilmiş görüş ilə bağlı yazı yerləşdirilib.
Yazıda deyilir: “Görüşdə Trans-Anadolu qaz kəmərinin (TANAP) inşası ilə Türkiyə və Azərbaycan arasında strateji tərəfdaşlıq əlaqələrini daha da güclənəcəyi diqqətə çatdırılıb”.
Müəllif vurğulayıb ki, görüşdən sonra Azərbaycan və Türkiyə prezidentlərinin birgə mətbuat konfransında Rəcəb Tayyib Ərdoğan deyib: “Artıq dünya layihəsinə çevrilən TANAP ilə bağlı addımlar atıldı. Burada istər boru istehsalında və təminatında, istərsə də podrat xidmətlərində Türkiyə firmaları üstünlük təşkil edir”.
Yazıda o da qeyd olunur ki, TANAP Azərbaycanın “Şahdəniz-2” yatağından hasil olunacaq qazı Türkiyəyə və bu ölkənin ərazisindən keçməklə Avropaya nəql edəcək.