Xəbərlər
İspaniyanın aparıcı radiolarından birində Azərbaycan barədə bəhs edilib
İspaniyanın çoxsaylı dinləyici auditoriyası olan “Radio Juventud Gran Canaria”ın radiosunun populyar “Radio dos luces” proqramı bu ölkədə təhsil almış həmyerlimiz, politoloq Mahir Qurbanovun müsahibəsini təqdim edilib.
Verilişdə əsasən, ölkəmizin hazırkı inkişaf səviyyəsi, Azərbaycan xalqının ümummilli lider Heydər Əliyevin müdrik və uzaqgörən siyasəti nəticəsində qazandığı uğurlardan söhbət açılıb.
Verilişdə həmçinin, Prezident İlham Əliyevin siyasi fəaliyyətinin uğurları barədə də geniş məlumat verilib.
Söhbətin digər mövzusu isə Ermənistan-Azərbaycan, Dağlıq Qarabağ münaqişəsinə hər olunub. Gənc politoloq qeyd edib ki, 1991–ci ildə Ermənistan silahlı qüvvələri regionda yaranmış çox çətin şəraitdən istifadə edərək havadarlarının köməkliyi ilə Azərbaycanın tarixi torpaqlarına, yəni Dağlıq Qarabağa daxil olaraq təcavüzkar siyasətlərini reallaşdırmağa başlayıblar. Bu münaqişə nəticəsində Azərbaycan ərazisinin 20 faizi Ermənistan tərəfindən işğal olunub, bir milyondan çox həmvətənimiz dədə-baba torpağından qaçqın düşüb.