YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Hazırkı mərhələdə Qarabağa avtobuslarla yalnız Azərbaycan vətəndaşları gedə biləcəklər

Hazırkı mərhələdə Qarabağa avtobuslarla yalnız Azərbaycan vətəndaşları gedə biləcəklər.

Bu sözləri rəqəmsal inkişaf və nəqliyyat nazirinin müavini Rəhman Hümmətov deyib.

O bildirib ki, təşkil edilən avtobus reysləri turizm məqsədli yox, ziyarət məqsədlidir. Vətəndaşlar bu avtobus reyslərindən istifadə edərək işğaldan azad olunmuş ərazilərə gedib oradakı mövcud vəziyyəti öz gözləri ilə görə bilərlər.

“Hazırda ziyarət edənlərin həmin ərazilərdə qalması nəzərdə tutulmayıb, ziyarətçilər getdikləri gün də qayıtmalı olacaqlar. Bərpa və quruculuq işlərinin gedişatından, minalardan təmizləmə prosesindən asılı olaraq, bu müddətin artırılması mümkündür. Həmçinin gələcəkdə xarici vətəndaşlar da bu avtobus reyslərindən istifadə edə biləcəklər”, - deyə nazir müavini əlavə edib.