Xəbərlər
Avropa İttifaqı Dağlıq Qarabağdakı saxta "parlament seçkiləri"ni tanımır
Avropa İttifaqı Dağlıq Qarabağdakı saxta "parlament seçkiləri"ni tanımır. Bu barədə Avropa İttifaqının bəyanatında deyilir. /Trend/
Bəyanatda qeyd edilir ki, onların "nəticələri" Dağlıq Qarabağın gələcək statusunun müəyyənləşdirilməsinə və ya danışıqlar prosesinə təsir edə bilməz.
Bəyanatda bildirilir: "Avropa İttifaqı ATƏT-in Minsk Qrupunu və onun həmsədrlərinin hərtərəfli sülh danışıqlarının aparılması üzrə səylərini qətiyyətlə dəstəkləyir. Avropa İttifaqı münaqişənin tezliklə sülh yolu ilə nizamlanmasına yönəldilmiş səyləri bundan sonra dəstəkləməyə hazırdır".