Xəbərlər
Deputat şəhid və qazi övladları ilə görüşüb
Milli Məclisin deputatı Anar Məmmədov və Goranboy Rayon İcra Hakimiyyətinin başçısı Məhərrəm Quliyev 1 iyun – Uşaqların Beynəlxalq Müdafiəsi Günü münasibəti ilə Goranboyda şəhid və qazi ailələrinin övladları ilə görüşüb və onları təbrik ediblər.
Görüşdə həmçinin, YAP Goranboy rayon təşkilatının nümayəndələri, rayon ağsaqqalları və ziyalıları, şəhid və qazi ailələri və onların övladları iştirak ediblər.
İştirakçılar uşaqları bayram münasibətilə təbrik edib, onlara ən xoş arzularını çatdıraraq ölkəmizdə uşaqlara dövlət qayğısının artırılması sahəsində, eləcə də onların sosial və hüquqi müdafiəsi ilə bağlı mühüm qərarların qəbul edildiyini qeyd ediblər.
Şəhid və qazi ailələri onlara və övladlarına Prezidentimiz cənab İlham Əliyevin və Birinci vitse-prezident Mehriban xanım Əliyevanın göstərdikləri qayğıdan danışaraq minnətdralıqlarını bildiriblər.
