Xəbərlər
Avropa Komissiyası sədrinin Azərbaycana səfərinin ilkin tarixi açıqlanıb
Avropa Komissiyasının sədri Xose Manuel Barrozunun Azərbaycana səfərinin ilkin tarixi açıqlanıb.
Avropa Komissiyasının mətbuat xidmətindən Trend-ə bildirilib ki, Xose Manuel Barrozunun Azərbaycana səfəri gələn həftəyə gözlənilir.
Səfərin dəqiq tarixi və proqramı barədə hələlik məlumat verilməyib.
Avropa Komissiyası sədrinin Gürcüstan və Moldovaya da səfər edəcəyi nəzərdə tutulub.
Bakıya səfəri zamanı Xose Manuel Barrozu Azərbaycan rəsmiləri ilə görüşəcək. Görüşlərdə ikitərəfli münasibətlərin cari vəziyyəti, əməkdaşlıq perspektivləri və regionda baş verən hadisələr müzakirə olunacaq.