Xəbərlər
Fuad Muradov: Azərbaycan gəncliyi daim dövlətçilik maraqlarından çıxış edir
«Azərbaycan gəncliyi daim dövlətçilik maraqlarından çıxış edir». Bu fikri Milli Məclisin Gənclər və idman komitəsinin sədri Fuad Muradov deyib.
F.Muradov bildirib ki, ölkəmizin milli maraqlarının qorunmasında gənclər fəal iştirak edirlər. Onun sözlərinə görə, müasir gənclik Prezident İlham Əliyevin həyata keçirdiyi siyasəti birmənalı olaraq dəstəkləyir.
«Dövlətin həyata keçirdiyi uğurlu gənclər siyasəti nəticəsində intellektual gənclər ordusu formalaşıb. Bu gənclik bütün müstəvilərdə ölkəmizi layiqincə təmsil etməyə qadirdirlər. Gənclərimiz beynəlxalq müstəvidə hər zaman Vətənimizi uğurla təmsil edirlər»- deyə, komitə sədri vurğulayıb.