Xəbərlər
Təmas xəttində keçirilən monitorinq insidentsiz başa çatmışdır
![](http://www.yap.org.az/thumb.php?src=http://www.yap.org.az/upload/images/228f936d4a74d1c2e007c5f013d0b346.jpg&w=360)
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq iyunun 10-da Azərbaycan Respublikasının Füzuli rayonunun ərazisində, Füzuli-Horadiz yolunun şimal istiqamətindəki təmas xəttində keçirilən monitorinq insidentsiz başa çatmışdır.
Müdafiə Nazirliyinin mətbuat xidmətindən bildirmişlər ki, monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin səhra köməkçiləri Xristo Xristov və Piter Svedberq, ATƏT-in Yüksək Səviyyəli Planlaşdırma Qrupunun nümayəndəsi, polkovnik İlhami Dəyirmançıoğlu (Türkiyə) keçirmişlər.
Təmas xəttinin qarşı tərəfində isə monitorinqə ATƏT-in fəaliyyətdə olan sədrinin şəxsi nümayəndəsinin səhra köməkçiləri Yevgeni Şarov və Jiri Aberle, ATƏT-in Yüksək Səviyyəli Planlaşdırma Qrupunun nümayəndəsi, polkovnik-leytenant Dan Harvey (İsveçrə) nəzarət etmişlər.