Xəbərlər
Montana ABŞ-da Xocalı qətliamını pisləyən 20-ci ştat oldu
ABŞ-ın Montana ştatının qubernatoru Stiv Bullok (Steve Bullock) rəsmi bəyanat imzalayaraq, Xocalı qətliamının ildönümü ilə bağlı Montana sakinlərinə çağırış edib. O, bəyanatda ştat sakinlərini 26 fevral tarixini “Xocalını Anma Günü” günü olaraq yad etməyə cağırıb.
Bu barədə Trend-ə Azərbaycanın Los Ancelesdəki Baş Konsulluğundan verilən məlumatda bildirilir.
Məlumatda qeyd edilir ki, Azərbaycanın Los Ancelesdəki Baş Konsulluğuna daxil olmuş sənəddə, Xocalı qətliamı müharibə dəhşətlərindən biri kimi pislənilib.
Qeyd edək ki, bu sənədlə ABŞ-da Xocalı qətliamını pisləyən ştatların sayı 20-yə çatıb.