Xəbərlər
Azərbaycan Xarici İşlər Nazirliyi ABŞ-ın Orlando şəhərindəki silahlı hücumu pisləyib
Azərbaycan Respublikasının Xarici İşlər Nazirliyi ABŞ-ın Orlando şəhərindəki silahlı hücumu pisləyən açıqlama yayıb.
Xarici İşlər Nazirliyinin mətbuat xidmətinin rəhbəri Hikmət Hacıyev açıqlamada bildirir: “İyunun 12-də Amerika Birləşmiş Ştatlarının Orlando şəhərində çox sayda insanın ölümü və yaralanması ilə nəticələnən dəhşətli silahlı hücumu qınayırıq.
Həlak olanların ailələrinə və Amerika Birləşmiş Ştatlarının xalqına dərin hüznlə başsağlığı verir və yaralananların tezliklə şəfa tapmasını diləyirik”.