Xəbərlər
Avropa Parlamentinin nümayəndə heyəti Milli Məclisdə olub
Mayın 22-də Azərbaycan Respublikası Milli Məclisi sədrinin birinci müavini Ziyafət Əsgərov ölkəmizdə səfərdə olan Avropa Parlamentinin Xarici Əlaqələr Komitəsinin yeni sədri, Avropa Xalq Partiyasının Almaniyadan olan deputatı Devid MakAlisterin başçılıq etdiyi nümayəndə heyəti ilə görüşüb.
Ziyafət Əsgərov Avropa Parlamentinin nümayəndə heyətinin Azərbaycana bu tərkibdə gəlməsindən məmnunluğunu ifadə edib. O, səfər zamanı əməkdaşlığın inkişafı istiqamətində səmərəli müzakirələr aparılacağına əminliyini bildirib.
Devid MakAlister deyib ki, səfərin məqsədi Azərbaycandakı vəziyyətlə tanış olmaqdır. O, Azərbaycan-Avropa İttifaqı əlaqələrindən söhbət açıb.