Xəbərlər
Aydın Hüseynov: Görülən işlər nəticə etibarilə bölgələrdə sosial-iqtisadi inkişaf baxımından mühüm amillərdir
«Normal biznes mühiti olmadığı təqdirdə heç bir dövlət sosial iqtisadi inkişafının dayanıqlığını təmin edə bilməz. Azərbaycanda isə biznes mühiti çox yüksəkdir və bu da özəl bölmənin inkişafında mühüm rol oynayır». Bu fikirləri Milli Məclisin deputatı Aydın Hüseynov deyib.
A.Hüseynov bildirib ki, yeni iş yerlərinin yaradılması, həmçinin məşğulluqda biznesin və mühitin inkişafı əsas məsələlərdən biridir. Onun sözlərinə görə, ölkə əhalisinin məşğulluğunda aqrar sektor da kifayət qədər böyük paya malikdir.
«Hökumət bu sahənin inkişafı istiqamətində müxtəlif proqramlar həyata keçirir. Bununla yanaşı yüngül və yeyinti sənayesi, dağ-mədən sənayesinin inkişafı istiqamətlərində tədbirlər həyata keçirilir. Azərbaycanda investisiya zonalarının tətbiqinə başlanılması da əhəmiyyətlidir. Hazırda aqroparkların, sənaye məhəllələrinin yaradılması istiqamətində davamlı olaraq işlər görülür. Bütün bunlar nəticə etibarilə bölgələrdə sosial-iqtisadi inkişaf baxımından mühüm amillərdir»-deyə, deputat qeyd edib.