Xəbərlər
Astarada ilk dəfə səs verəcək seçicilərlə görüş keçirilib
Yeni Azərbaycan Partiyası Astara rayon təşkilatı prezident seçkilərinin təşviqat kampaniyası çərçivəsində ilk dəfə səs verəcək gənclərlə görüş keçirib.
Görüşdə YAP Astara rayon təşkilatının sədri Firudin Əhmədov respublikamızda uğurlu gənclər siyasətinin həyata keçirildiyini, gənclərlə iş sahəsinə xüsusi diqqət göstərildiyini bildirib, Astara rayonunda da gənclərin hərtərəfli inkişafı, ictimai-siyasi fəallığının artırılması üçün əlverişli şərait yaradıldığını qeyd edib.
YAP Astara rayon təşkilatı Gənclər Birliyinin sədri Tural Eyvazov aprelin 11-də keçiriləcək prezident seçkilərində ilk dəfə səs verəcək gəncləri bu tarixi prosesdə iştirakları münasibəti ilə təbrik edib, prezident seçkilərinin ölkəmizin həyatında mühüm hadisə olduğunu diqqətə çatdırıb. Seçkilərin azad, demokratik və şəffaf keçirilməsi üçün hər bir seçicinin, o cümlədən ilk dəfə səs verəcək gənclərin səsvermədə yüksək məsuliyyət nümayiş etdirməsinin zəruriliyini vurğulayan natiq onları həmin gün hamılıqla seçki məntəqələrinə gələrək parlaq gələcəyə səs verməyə çağırıb.
Tədbirdə ilk dəfə səs verəcək gəclər çıxış edərək gənclərin yaxın dostu, Azərbaycanın gələcək uğurlarının təminatçısı cənab İlham Əliyevə səs verəcəklərini bəyan ediblər.
