Xəbərlər
Biləsuvar rayonunun İsmətli, Çaylı və Əliabad kəndlərinin seçiciləri ilə görüş keçirilib
Biləsuvarda Yeni Azərbaycan Partiyasının namizədi cənab İlham Əliyevin təbliğat kampaniyası çərçivəsində növbəti görüş rayonun İsmətli, Çaylı və Əliabad kəndlərinin seçiciləri ilə keçirildi.
Görüşdə çıxış edən Yeni Azərbaycan Partiyası seçki qərargahının Biləsuvar rayon şöbəsinin təbliğat-təşviqar qrupunun üzvlərindən Əjdər Niftiyev, Akif Kazımov, Rüstəm Əliyev əmin olduqlarını bildiriblər ki, biləsuvarlılar yekdilliklə Prezident seçkilərində Yeni Azərbaycan Partiyasının namizədi cənab İlham Əliyevə səs verəcəklər.
Görüşdə seçicilərdən Fəday Əliyev, Rəşad Əliyev, Allahşükür Abdullayev və başqaları çıxış edərək 11 aprel tarixində keçiriləcək seçkilərdə hamılıqla İlham Əliyevə səs verəcəklərini bildirdilər.
