Xəbərlər
Mingəçevir şəhərində “İlhamla irəli” şüarı ilə möhtəşəm Zirvə görüşü keçirilib
YAP Mərkəzi Seçki Qərargahı Mingəçevir şəhər şöbəsinin təşkilatçılığı ilə Mingəçevir şəhərində “İlhamla irəli” şüarı ilə möhtəşəm Zirvə görüşü keçirilib.
Tədbirdə YAP Mingəçevir təşkilatının sədri Cavanşir Yusubov çıxış edərək bildirdi ki, cənab İlham Əliyev Ulu Öndər Heydər Əliyev ideyalarının ən layiqli davamçısı olaraq daim ölkəmizin inkişafi və xalqımızın rifahı üçün çalışır.Onun həyata keçirdiyi iqtisadi və siyasi islahatlar dövlətimizin inkişafına və qüdrətlənməsinə xidmət edir. Məhz bu inkişafın davamlı olması üçün Azərbaycan xalqı cənab İlham Əliyevə yekdilliklə səs verəcəklər.
Zirvə görüşündə Milli Məclisin deputatlarından Əli Hüseynli, Səttar Mehbalıyev, YAP Mingəçevir şəhər təşkilatının Qadınlar Şurasının sədri Nurcamal Əsgərova çıxış edərək bildirdilər ki, cənab İlham Əliyevin seçki kampaniyası ilə əlaqədar yerlərdə seçicilərlə çoxsaylı görüşlər keçirilmişdir.Keçirilən görüşlər bir daha əminlik yaradır ki, Yeni Azərbaycan Partiyasının prezidentliyə namizədi birmənalı olaraq xalqın namizədidir.Çünki partiyamızın sədri, ölkə Prezidenti cənab İlham Əliyev Azərbaycan dövlətçiliyinin daha da gücləndirilməsi, xalqın rifahı naminə yorulmaq bilmədən çalışır.Ölkə Prezidentinin hakimiyyəti illərində Azərbaycanın regionları yüksək sürətlə inkişaf etmişdir. Əminliklə demək olar ki, Mingəçevirli seçicilər 11 apreldə keçiriləcək seçkilərdə Yeni Azərbaycan Partiyasının namizədi cənab İlham Əliyevə səs verəcəklər.
Zirvə görüşündə çıxış edən mingəçevirlilər cənab İlham Əliyevi qətiyyətli dövlət başçısı, müdrik lider kimi dəyərləndirərək 11 apreldə məhz ona səs verəcəklərini bildirdilər.
