Xəbərlər
YAP Şamaxı rayon təşkilatının nümayəndələri şəhid ailələrini ziyarət ediblər
Yeni Azərbaycan Partiyası Şamaxı rayon təşkilatının nümayəndələri Vətən müharibəsində qəhrəmancasına şəhid olmuş Soltanov Nadir Nazir oğlu, Şıxaliyev Fariz Şahverdi oğlu və Beydiyev Nazim Eynulla oğlunun ailələrini ziyarət ediblər.
Görüşlər zamanı bildirilib ki ölkəmizin ərazi bütövlüyü uğrunda canını fəda etmiş şəhidlərimizin ailələrinə, sağlamlığını itirmiş qazilərimizə hər zaman diqqət və qayğı göstərilir. Dövlət başçısının tapşırıq və tövsiyələrinə uyğun olaraq Şamaxı rayonunda da şəhid və qazi ailələri mütəmadi olaraq ziyarət olunur, mövcud problemlərinin aradan qaldırılması üçün tədbirlər həyata keçirilir.
Şəhid ailələrinin üzvləri və qazilərimiz onlara göstərilən diqqət və qayğıya görə dövlətimizin başçısı cənab İlham Əliyevə təşəkkürlərini bildiriblər.
