Xəbərlər
Azərbaycan ilə Gürcüstan arasında ticarət dövriyyəsi 41 faiz artıb
Gürcüstan Azərbaycanın əsas ticarət tərəfdaşlarındandır. Bu ilin 8 ayında ölkələrimiz arasında ticarət dövriyyəsi keçən ilin müvafiq dövrü ilə müqayisədə 41 faiz artıb.
Bu barədə iqtisadiyyat naziri Mikayıl Cabbarov deyib.
O bildirib ki, Azərbaycan ilə Gürcüstan arasında iqtisadi əməkdaşlıq üzrə birgə Hökumətlərarası Komissiyanın iclasında iqtisadi-ticarət əməkdaşlığının genişləndirilməsi, yeni layihələr, Gürcüstan şirkətlərinin işğaldan azad edilmiş ərazilərimizin bərpasında iştirakı məsələləri müzakirə edilib: “İnanırıq ki, səmərəli dialoq qonşu və dost ölkə ilə iqtisadi əlaqələrin möhkəmlənməsinə əhəmiyyətli töhfə verəcək”.