Xəbərlər
YAP Pirallahı rayon təşkilatının ərazi partiya təşkilatlarında növbəti hesabat seçki yığıncaqları keçirilib
Yeni Azərbaycan Partiyası Pirallahı rayon təşkilatının ərazi partiya təşkilatlarında növbəti hesabat-seçki yığıncaqları keçirilib.
İclaslarda YAP-ın VII Qurultayından sonrakı dövr ərzində görülmüş işlərdən və qarşıda duran vəzifələrdən danışılıb, hesabat məruzələri dinlənilib, çıxışlar əsasında hesabat dövrü ərzində görülən işlər dəyərləndirilib.
Gürgən qəsəbəsi, İlqar Məcidov küçəsi 41, Pirallahı qəsəbəsi, S.Bağırov küçəsi 3 və S.Bağırov küçəsi 3A ünvanlarında yerləşən ərazi partiya təşkilatlarında keçirilən hesabat-seçki yığıncaqlarında 44 günlük Vətən müharibəsində canından keçən müqəddəs şəhidlərimizin və Ümummilli Liderimiz Heydər Əliyevin əziz xatirəsi bir dəqiqəlik sükutla yad edilib.
Ərazi partiya təşkilatlarının hesabat dövrü ərzindəki fəaliyyətləri səsvermə yolu ilə qənaətbəxş hesab olunandan sonra iclasın gündəliyindəki təşkilati məsələlərə baxılıb. İclas iştirakçıları tərəfindən İlqar Məcidov küçəsi 41, S.Bağırov küçəsi 3 və S.Bağırov küçəsi 3A ünvanlarında yerləşən ərazi partiya təşkilatlarına sədr və sədr müavinləri seçiliblər. Seymur Yusibov İlqar Məcidov küçəsi 41 ünvanında yerləşən ərazi partiya təşkilatının, Ramin Məmmədov S.Bağırov küçəsi 3 ünvanında yerləşən ərazi partiya təşkilatının, Xəyalə Balaməmmədova isə S.Bağırov küçəsi 3A ünvanında yerləşən ərazi partiya təşkilatının sədrləri seçiliblər.
YAP Pirallahı rayon təşkilatının məsul əməkdaşı İ. Əskərov ərazi partiya təşkilatlarına yeni seçilmiş rəhbərliyi təbrik edərək, VII Qurultayda YAP rəhbərliyi tərəfindən qarşıya qoyulan vəzifə və tapşırıqların yerinə yetirilməsində uğurlar arzuladı.
