Xəbərlər
Azərbaycan və Serbiya arasında münasibətlər yüksələn xəttlə inkişaf edir
Sahib Şükürov
YAP Göyçay rayon təşkilatının sədri
Azərbaycan və Serbiya arasında diplomatik əlaqələr 1997-ci ilin avqust ayının 21-də qurulmuşdur. Bu il ölkələrimiz arasında diplomatik münasibətlərin qurulmasının 25-ci ildönümü qeyd olunur. Dövlət başçımızın ötən ay Serbiya Respublikasına, eləcə də Serbiya Respublikasının Prezidenti Aleksandar Vuçiçin dekabrın 21- də ölkəmizə işgüzar səfəri diplomatik münasibətlərin qurulmasının 25-ci ildönümünün qeyd olunduğu vaxtda təsadüf edir. Bu qarşılıqlı səfərlərin məqsədi iki ölkə arasında yüksək səviyyədə olan münasibətlərin daha da inkişafına töhfə verməkdir.
Qeyd edildiyi kimi, dekabrın 21-də Serbiya Respublikasının Prezidenti Aleksandar Vuçiç ölkəmizə işgüzar səfərə gəlmişdir.Səfər Azərbaycan - Serbiya arasında mövcud olan qarşılıqlı əlaqələrin yüksəln xəttələ inkşaf etdiyinin göstəricisidir. Səfər çərçivəsində Prezident İlham Əliyevin Serbiya Prezidenti Aleksandar Vuçiç ilə təkbətək görüşü olmuş, görüş başa çatdıqdan sonra Dövlət başçıları mətbuata bəyanatlarla çıxış ediblər.
Əvvəlcə çıxış edən Prezident İlham Əliyev ötən ay Serbiyada rəsmi səfərdə olduğundan,səfər çərçivəsində Ona və nümayəndə heyətinə göstərilən qonaqpərvərlikdən söhbət açdı və öz təəssüratlarını bildirərək qeyd etdi ki, Prezident Vuçiçin uzaqgörən siyasəti nəticəsində Serbiya hərtərəfli inkişaf edir, həm şəhərsalma sahəsində, eyni zamanda, iqtisadi və sənaye inkişafı sahəsində, kənd təsərrüfatı sahəsində. Bu, bizim gələcək əməkdaşlığımız üçün yeni imkanlar yaradır. Çünki həm Serbiya, həm Azərbaycan öz resurslarına arxalanan ölkələrdir, müstəqil siyasət aparan ölkələrdir və bir-biri ilə sıx əlaqədə olan ölkələrdir.
Prezident İlham Əliyev çıxışında iki ölkə arasındakı münasibətlərə toxunaraq Serbiya və Azərbaycanın strateji tərəfdaş olduğunu, strateji tərəfdaşlığa dair bir neçə sənəd imzalandığını bildirdi. Dövlət başçımız onu da qeyd etdi ki, iki ölkə hər zaman bir-birimizin ərazi bütövlüyünü və suverenliyini dəstəkləyib və bu siyasət dəyişməz olaraq qalacaq.
Energetika sektoru əməkdaşlığımızın bir hissəsidir deyən Prezident İlham Əliyev son vaxtlar bu sahənin daha böyük əhəmiyyət kəsb etdiyini vurğuladı. Dövlət başçımız Azərbaycanın təbii resurslarının artıq müxtəlif istiqamətlər üzrə ixrac edildiyini, gələn ildən başlayaraq Azərbaycanın elektrik enerjisinin Serbiyaya ixrac edilməsi üçün əməli addımlar atılacağından əmin olduğunu vurğuladı.
Prezident İlham Əliyev ötən ay Serbiya Respublikasında səfəri zamanı müdafiə sənayesi sahəsi ilə bağlı müvafiq göstərişlər verdiklərini və bu sahədə də hər iki ölkədə potensial olduğunu vurğuladı.
Beləliklə, Serbiya Respublikasının Prezidenti Aleksandar Vuçiçin ölkəmizə səfəri bir daha onu nümayiş etdirdi ki, Serbiya ilə bütün sahələrdə münasibətlərimiz çox yüksəkdir,ölkələrimiz bir-birinin mövqeyini dəstəkləyir və bu da iki ölkə arasında münasibətlətləri daha da möhkəmləndirir.