Xəbərlər
Gənc partiya fəalları Heydər Əliyev Mərkəzini ziyarət ediblər
“Heydər Əliyev İli” ilə əlaqədar Yeni Azərbaycan Partiyasının (YAP) Mərkəzi Aparatı tərəfindən hazırlanan və İdarə Heyətinin qərarı ilə təsdiqlənən Tədbirlər Planı çərçivəsində Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə ardıcıl tədbirlər həyata keçirilir.
2023-cü il aprelin 28-də YAP Xocavənd rayon təşkilatı tərəfindən gənc partiya fəallarının iştirakı ilə Beyləqan rayon Heydər Əliyev Mərkəzinə ekskursiya təşkil olunub.
Əvvəlcə Beyləqan rayonundakı Heydər Əliyev parkında Ulu Öndər Heydər Əliyevin büstü önünə gül dəstələri düzülüb.
Daha sonra Mərkəzdə gənclərə müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, gənclər eksponat, fotoşəkil və kitablarla tanış olublar.
Sonda Ulu Öndər Heydər Əliyevin həyat və yaradıcılığına həsr edilən filmə baxılıb.
