Xəbərlər
Yevlaxda şəhid övladları üçün bayram tədbiri keçirilib
Yeni Azərbaycan Partiyası (YAP) Yevlax rayon təşkilatının, Yevlax Şəhər İcra Hakimiyyətinin birgə təşkilatçılığı ilə “Heydər Əliyev İli” çərçivəsində 1 İyun- Uşaqların Beynəlxalq Müdafiəsi Günü münasibətilə şəhid övladları üçün bayram tədbiri keçirilib.
Tədbirdə çıxış edən YAP Yevlax rayon təşkilatının sədri Rafiq Əliyev, Yevlax Şəhər İcra Hakimiyyəti başçısının müavini-İctimai siyasi və humanitar məsələlər şöbəsinin müdiri Elnarə Əzizova uşaqları bayram münasibətilə təbrik edib, onlara firavan gələcək və şən həyat arzulayıblar.
Qeyd olunub ki, Ulu Öndərin ölkəmizə rəhbərlik etdiyi dövrdə bütün sahələrdə olduğu kimi, uşaq hüquqlarının qorunması, uşaqların sosial müdafiəsinin gücləndirilməsi ilə bağlı genişmiqyaslı işlər görülüb, müvafiq qanunvericilik aktları qəbul edilib. Uşaqların yaxşı təhsil və təlim-tərbiyə alması, Vətən və xalq üçün gərəkli övlad kimi yetişməsi Ulu Öndərin daim diqqətində olub.
Sonra Şəhər Mədəniyyət evinin kollektivi tərəfindən uşaqlar üçün kukla tamaşası nümayiş etdirilib. Şən klounların çıxışı uşaqlara sevincli anlar bəxş edib. Sonda şəhid övladlarına hədiyyələr təqdim edilib.
