Xəbərlər
Hər zaman anılır, xatırlanır
Lerik rayonu Anbu kəndində şəhid gizir Əhmədov Tural Əkrəm oğlunun doğum günündə xatirəsi anılıb.
Yeni Azərbaycan Partiyası (YAP) Lerik rayon təşkilatının, Lerik Rayon İcra Hakimiyyətinin əməkdaşları, hüquq-mühafizə orqanları, idarə, müəssisə, təşkilat rəhbərləri, ictimaiyyət nümayəndələri, partiya fəalları şəhidimizin məzarını ziyarət edib, önünə gül-çiçək dəstələri düzərək əziz xatirəsini ehtiramla anıblar.
Qeyd edək ki, 2000-ci il avqustun 2-də dünyaya göz açan Tural Əhmədov 2021-ci il noyabrın 4-də Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının xidməti ərazisində keçirilən səhra təlimləri zamanı AQS-17 silahından atəş açarkən qəlpə yarası alaraq şəhidlik zirvəsinə ucalıb.
