Xəbərlər
Azərbaycanın müdafiə naziri Litvanın Baş naziri ilə görüşüb
İyulun 2-də Litva Respublikasında səfərdə olan Azərbaycan Respublikasının müdafiə naziri, general-polkovnik Zakir Həsənov Baş nazir Algirdas Butkeviçius ilə görüşüb.
Görüşdə hər iki ölkə arasında əlaqələrin bütün istiqamətlər üzrə müvəffəqiyyətlə inkişaf etdiyi vurğulanıb, Ermənistan-Azərbaycan, Dağlıq Qarabağ münaqişəsi barədə ətraflı məlumat verilib.
İkitərəfli əməkdaşlıq sahəsində yaxşı təcrübənin mövcudluğunu qeyd edən müdafiə naziri qarşılıqlı əlaqələrin genişləndirilməsinin ölkələrimiz üçün faydalı olduğunu vurğulayıb.
Tərəflər beynəlxalq terrorizm, ekstremizmin bütün növləri, təcavüzkar separatizm və beynəlxalq təhlükəsizliyə, sabitliyə təhlükə törədən digər bu kimi təhdidləri pisləyib, onlara qarşı mübarizədə beynəlxalq səylərin artırılmasının zəruriliyini qeyd ediblər.