Xəbərlər
Kəngərli seçiciləri yekdilliklə cənab İlham Əliyevə səs verəcəklər
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 27-də Kəngərli rayonunun Böyükdüz, Xok, Qarabağlar və Şahtaxtı kəndlərində seçicilərlə məhəlli görüşlər keçirilib.
Çıxışlarda bildirilib ki, Respublika tariximizə ən möhtəşəm 20 il kimi yazılan ötən dövrdə Prezident İlham Əliyev Azərbaycanı sürətlə inkişaf etdirərək, onu bölgənin lideri və söz sahibi olan, dünya birliyində öz layiqli yerini tutan, iqtisadi və hərbi gücü ilə öz problemlərini həll edən qüdrətli bir dövlətə çevirib.
Natiqlər seçiciləri dövlətimizin inkişafının təminatçısı cənab İlham Əliyevə səs verməyə çağırıblar.
