Xəbərlər
“Sözü imzası qədər dəyərli olan Qalib Liderin yanındayıq!”
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 31-də Xocavənd rayonundan olan Vətən müharibəsi iştirakçıları, qazilər, Türkiyədə təhsil alan tələbələr və fəal gənclərin iştirakı ilə fləşmob keçirilib.
“Sözü imzası qədər dəyərli olan Qalib Liderin yanındayıq!” deyən fləşmob iştirakçıları Azərbaycanın ərazi bütövlüyünü və suverenliyini tam təmin edən Müzəffər Ali Baş Komandan İlham Əliyevə dəstək şüarları səsləndiriblər.