Xəbərlər
“Sözümüz İmzamızdır!
Xətai rayonunda seçicilərinin iştirakı ilə fləşmob keçirilib
2024-cü il 7 fevral tarixində ölkəmizdə keçiriləcək prezident seçkiləri ilə əlaqədar Yeni Azərbaycan Partiyası (YAP) tərəfindən namizədliyi irəli sürülmüş cənab İlham Əliyevin seçkiqabağı təşviqat kampaniyası çərçivəsində yanvarın 27-də Xətai rayonunda fləşmob keçirilib.
Yeni Azərbaycan Partiyası Xətai rayon təşkilatının təşkilatçılığı ilə rayon seçicilərinin iştirakı ilə Lütfizadə 10 və M. Rüstəmov 21 ünvanlarının kəsişməsində yerləşən məhəllədə keçirilən “Sözümüz İmzamizdır!” fləşmobunda 500 nəfərə yaxın seçici iştirak edib.
Fləşmobun əsas ideyasını Prezident İlham Əliyevin son 20 il ərzində xalqa layiqincə xidmət etməsi, dövlətimizi qüdrətləndirməsi, verilən bütün vədlərin yerinə yetirilməsi, Müzəffər Ali Baş Komandan kimi Azərbaycanın ərazi bütövlüyünü və suverenliyini tam təmin edərək qalib dövlətə çevirməsi təşkil edib. Xoşbəxt gələcəyimiz üçün Qalib ölkənin Qalib Liderinə səs verək!
Fləşmob seçicilərdə böyük maraq oyadıb və xoş təəssürat yaradıb.