Xəbərlər
Milli Məclisin deputatı Məşhur Məmmədov seçiciləri ilə görüşüb
Milli Məclisin deputatı Məşhur Məmmədov Masallı rayonunda növbəti dəfə seçiciləri ilə görüşüb. Görüşdə YAP Masallı rayon təşkilatının sədri Seyfəddin Əliyev və Masallı Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov iştirak edib.
Qəbul zamanı vətəndaşlar əlilliyin təyinatı, sosial müavinət, sağlamlıq problemləri və bu kimi digər məsələlər ilə bağlı müraciətlər səsləndiriblər.
Vətəndaşlar tərəfindən qaldırılan məsələlərin bəziləri yerindəcə həll olunub, digər müraciətlərin həlli istiqamətində isə müvafiq tapşırıqlar verilib.
