Xəbərlər
“Seçimimiz cənab İlham Əliyevdir”
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 29-da Göyçay rayonu Qaraman və Yalman kəndlərində yaşayan seçicilərlə görüş keçirilib.
Görüşdə YAP Göyçay rayon təşkilatının sədr müavini Laçın İsmayılov, Vətən müharibəsi qazisi Samir Süleymanov, təşviqat qrupunun üzvləri Pərviz Yəhyalı, Xəlil Orucov çıxış ediblər.
Çıxışlarda Prezident, Yeni Azərbaycan Partiyasının Sədri İlham Əliyevin rəhbərliyi ilə Azərbaycanın güclü və qüdrətli dövlətə çevrildiyi vurğulanıb. Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.
