Xəbərlər
Azərbaycan daha güclü və qüdrətli dövlətə çevriləcək
Zəngilan rayonundan olan seçicilərlə növbəti görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 29-da Qaradağ rayonunun Müşfiqabad qəsəbəsində zəngilanlı seçicilərlə görüş keçirilib.
Görüşdə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Sonra “Qalib xalqın qalib Lideri” adlı videoçarx nümayiş olunub.
Görüşdə YAP Zəngilan rayon təşkilatının sədri Natiq Quluzadə, təşviqat qrupunun üzvləri İsa Musayev və Güləndam Mahmudova çıxış ediblər.
Bildirilib ki, Azərbaycanın son 20 ildə nail olduğu misilsiz nailiyyətlər Prezident İlham Əliyevin müdrik siyasətinin, qətiyyətli liderliyinin nəticəsidir.
Qarşıda yeni hədəflərin olduğunu deyən natiqlər əminliklə söyləyiblər ki, cənab İlham Əliyevin rəhbərliyi ilə ərazi bütövlüyünü və suverenliyini təmin etmiş Azərbaycan daha güclü və qüdrətli dövlətə çevriləcək.
Sonda Yeni Azərbaycan Partiyasının Himni səsləndirilib.
