Xəbərlər
Ağsu rayonunda seçicilərlə fərdi görüşlər keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 4-də Ağsu rayonunun Bico, Gəgəli kəndlərində və Ağsu şəhəri Ş.Hacıyev küçəsində seçicilərlə fərdi görüşlər keçirilib.
Görüşlərdə YAP Ağsu rayon təşkilatının sədr müavini Altun Şeydayev, təşviqat qrupunun üzvləri Tahir Xası, Elnur Fərzəlizadə, Sanif Həsənov və İslam Bəhrəmov çıxış ediblər. Natiqlər seçiciləri 7 fevral prezident seçkilərində fəal iştirak etməyə və Yeni Azərbaycan Partiyasının namizədi cənab İlham Əliyevə səs verməyə çağırıblar.
Seçicilər isə bildiriblər ki, 7 fevralda hamılıqla seçki məntəqələrinə gedərək qalib xalqın qalib Liderinə səs verəcəklər.
