Xəbərlər
Şəmkir rayonunda anım mərasimi keçirilib
Azərbaycan xalqının Ümummilli Lideri Heydər Əliyevin vəfatının 22-ci ildönümü ilə əlaqədar Şəmkir rayonunda anım mərasimi keçirilib.
Əvvəlcə Ümummilli Lider Heydər Əliyevin abidəsi önünə gül dəstələri qoyulub, dahi şəxsiyyətin xatirəsi ehtiramla anılıb.
Anım mərasimində çıxış edən Şəmkir Rayon İcra Hakimiyyətinin başçısı Rəşad Tağıyev, YAP Şəmkir rayon təşkilatının sədri Fəxrəddin Vəliyev, Şəmkir Rayon İcra Hakimiyyəti başçısının Düyərli kənd inzibati ərazi dairəsi üzrə nümayəndəsi Aybəniz Nəsibova və digərləri Ulu Öndər Heydər Əliyevin həyat və fəaliyyəti, Azərbaycan xalqının müasir dövlətçilik tarixinin formalaşmasında və inkişafında misilsiz rolundan danışıblar. Natiqlər Ulu Öndərin ölkənin milli maraqlarını hər zaman ön planda tutduğunu qeyd ediblər.
Heydər Əliyevin siyasi kursunun Prezident İlham Əliyev tərəfindən uğurla davam etdirilməsi nəticəsində Azərbaycanın öz ərazi bütövlüyünü və suverenliyini təmin edərək beynəlxalq arenada mövqelərini daha da möhkəmləndirdiyi vurğulanıb.
